|
Malaysia ah ralzam a ummi hna cu Malay cozah nih refugee card ID chuah piak hna ding caah an timh cuahmah ti asi. The Star tadinca ah February 2, 2010 ni ah an tial ning ah cun UN nih recognized a tuah cang mi hna refugee paoh paoh, khat lei ah refugee card a ngei cang mi hna an za tein Malaysia cozah nih refugee ID chuahpiak ding ah an timhlamhmi a si.
Mah tihin an i timhlamhnak a ruang cu UN card ai tlaih ko mi refugee kha tlaih le khih um ti lo ding caah an duh caah a si ti asi. Nikum November tiang ah khan 75600 refugees le asylum seeker (card aa tlaih mi he aa tlaih rih lo mi he) an um ti asi. A tu an chuahpiak ding mi hna hi Thailand i an chuahpiak
tawn mi hna riantuannak permit he aa lo lo i, cun a luan cia mi kum zei maw hrawng ah Rohingja pawl an rak chuah piak mi Malaysia ID he aa lo lai lo. Temporary permit lawng a si. Malaysia ah umthai awk tha lo mi ID a si. Cun mah hi ID i tlaih in rian tuan khawh si le si lo hi an thanh rih lo.
Vietnam refugee pawl Malaysia an rak um lio ah khan mah bantuk Temporary ID rak chuahpiak ding caah Malaysia cozah nih Law an rak ser mi a um. 1952 refugee declaration ah min an rak thut ve lo nain, ralzam temporary in zoh khenh chung ding ah cun an hna arak tla tinak a lang.
Mah tihin Malaysia cozah nih ID an chuahpiak hna ruang ah refugee hna ramthumnak ah an kal kho lai ti lai lo tinak cu a si lo. Malaysia nih zeitik hmanh ah an ram mi sinak a pe kho hlei hna lo caah ralzam hna ramthumnak ah nunnak thar an thawk than ding kha UN nih cun rian a tuan peng ding kha a si.
Mah hi thawngpang nih hin Malaysia um kan miphun ralzam hna cheukhat a nin lau ter men hna lai. Nain, Malaysia cozah nih cun ralzam hna humhim deuhnak ding caah tinhnak he an tuah mi a si tik ah Malaysia um ralzam hna caah thil tha a si te ko lai tihi ruah chanh ngai mi a si.
Mah hi bantuk in refugee ID chuahpiak ding caah hin UNHCR le Malaysia cozah zong hnatlak ttinak an ngei cang ti a si. |
