February ni 3, 2010 ni ah US ram Texas State Huston khua ah um mi Pu Ceu Bik cu a nupi tta pa nih thalo in a hliam caah a nunnak a liam. Pu Ceu Bik hi Laitlang a umnak khua cu Hakha a si i,Pu Tial Ling le Pi Lili an fapa upa bik a si. US ah aphanhnak kum 10 hrawng si cang mi a si. A nupi hi Karen miphun a si i US ah aa um mi an si. A nupi tta pa he an i theihthiam khawh lonak te te a um caah hin a nupi tta pa nih hin Pu Phun Ceu Bik cung ah lung rumhnak angeih cia cang tiah pawng kam nih an theih.

A nunnak a liam ni ah hin Pu Phun Ceu Bik nih a nupi ttapa cu leng ding ah a va kal i, an inn aphak cang ka in Karen pa nih cun hriam ahar ngai mi pakhat in fak ngai in a lu ah a tuk. Cu lawng si rih lo in a kut zong hmun 4 a hliam chap rih i, emergency zokzok in an auh nain, a si khawh ti lo caah a zaan ttim ah nunnak a liam cawlh ti asi.

Lai a nawng mi Karen pa (amin?)cu Palek nih hngap an tlaih cawlh cang i, tuhi counseling an tuah lai i mihrut a si le si lo, thluak tlamtlin si le si lo an fianh hnu ah court ah bia an ceih te lai ti a si.

Pu Phun Ceu cu February 13 ni ah vuiding ah timhlamh cuah mah asi.

Pu Phun Ceu te umnak khua Houston hi Texas state ah a ngan bik mi khua  asi. Texas State chung um mi Dallas, Austin le Houston, Amarillo khua hna ah hin Kawlram refugee a thawng in an chiahnak hna  si i, Kawl ram in a ra mi refugee lak ah Karen, Kayaa le Chin refugee hna hi atambik an umnak a si.