Minung 214 mual a liam tertu Chile ram liihnihnak thawngpang nih US ram, Japan le Australia ram hna tiang thin phan thlalau in a um ter hna. Chelliram hi rili kam ah  um caah an ram ah faktuk in lii aahnin mi nih Tsunami bantuk tilet achuah ter khawh tiah an phan mi a si. Nizan

zarhteni i Chelliram ah lii aa hnin mi hi 8.8 mekanitut (*magnitude) speed asi i, afak hringhran mi a si. Nai ah minung sing 5 hrawng nunnak a la mi Haiti liihninhnak kha 7.0 tremor a si i, a tu Chelli ram i lii aa hnin mi hi Haiti ram i aa hnin minak in a let 500 thazang a thawng deuh mi a si. Minung athi mi le arawk ral mi belte Haiti tluk a tam lo.

Chelli cozah nih an chimnak ah Chellirammi tampi cu umnak hmun dang ah chiahchung an si a ti. Chile ram cu South America timi thlanglei America ah a um i Peru ram, Bolivia ram hna thlang ah aum i nitlak lei ah Pasific rili a um. Nichuah lei ah Argentina ram aum. Chile ram hi an ram ning piin rili kam ah ai khang mi ram ram a si. Rili kam ram a si caah lii aa hninh mi nih hin America ram tikulh asimi Quam, America Smoa le Hawaii State hna ah Tsunami bantuk tilenhnak a um lai tiah an thin phan i, ralrinnak an thanh minung tampi zong umnak an tthial chung hna. Japan ram rilikam um mi hna siseh Australia ram siseh an thin arak phang nain, Zarhteni zanlei ah Tsunami bantuk si lo in, tilet tlawmpal aum mi a hrawh mi aum tuk lem lo caah hnangam a si than.

Chile ram tuanbia ah May 13, 1643 kum lio ah hin lii fak tuk in aa hninh caah an ram mi cheuthum cheukhat hi an rak thi dih ti asi.

CNN nih a chimnak ah cun Nai Haiti ram i ai hnin mi lihninhnak nak in tutan Chile ram lihninnak hi a let 1000 in a fak deuh a ti.